Rekord Guinness ne Shqiperi

Ish Ministri i Ekonomise, Dritan Prifti, mund te hyje se shpejti ne librin e rekordeve Gines. Jo per faktin se pergjoi ish-kryetarin e partise se tij, por sepse ka filmuar veten duke marre 70 mije euro ne nje afere te paster korruptive. Korrupsioni i tij, eshte dekonspiruar nga ekspertiza amerikane qe ka marre ne dore mjetet me te cilat Dritan Prifti pergjoi nje bisede mes tij dhe Ilir Metes dhe e shiti tek shqiptaret si proven e kaloresit te betejes antikorrupsion. Teksa ka ekzaminuar keto mjete, oren e dores dhe laptopin e Priftit, eksperti amerikan ka zbuluar nje tjeter video, ku Dritan Prifti, shfaqet me figure teksa merr plot 70 mije euro nga vartesi i tij, ish zevendes Ministri i Ekonomise, Leonard Beqiri. Ish-ministri Prifti, aleati me i ri i opozites se bashkuar, e kishte fshire nga kompjuteri videon ku filmonte veten duke marre kete shume te madhe parash. Por eksperti amerikan, ne hetimet per te zbuluar autenticitetin e pergjimit te Priftit ndaj Metes, e ka rikuperuar ate dhe ka zbuluar kete afere korruptive, permes pamjeve qe jane realizuar me 11 mars te vitit 2010. Pas zbulimit te ekspertizes amerikane, Prokuroria e Pergjithshme, ka regjistruar nje procedim penal per Dritan Priftin nen akuzen per korrupsion pasiv te funksionareve te larte shteterore dhe i ka kerkuar Kuvendit te Republikes heqjen e imunitetit te tij si deputet. Ky zbulim i papritur dhe pamenduar, duket se e ka befasuar edhe vete organin qendror te akuzes. Ne letren drejtuar Kuvendit, prokuroria gabon vitin e regjistrimit te videos dhe shkruan se behet fjale per nje regjistrim te marsit te vitit 2011. Megjithate, ne kerkesen drejtuar Kuvendit per heqjen e imunitetit te Dritan Priftit si deputet, per t'u hetuar per korrupsion, Prokuroria nenvizon disa here faktin, se zbulimi i videos eshte bere nga eksperti amerikan qe ka ekzaminuar provat materiale. Prokuroria, sqaron ne kerkesen e saj per heqjen e imunitetit, se Dritan Prifti dhe zevendesi i tij, ne baze te asaj qe evidentohet me ze e me figure ne videon e zbuluar nga eksperti amerikan, kane zhvilluar biseda per perfitime financiare te parregullta qe vijne nga ushtrimi i funksioneve te tyre publike, dhe ne nje moment shihet se ndajne mes tyre nje shume parash prej 70 mije eurosh. Me kete zbulim, te denje per skenarin e serialit Hollivudian, CSI Nju York, Dritan Prifti do te hyje ne histori si zyrtari i pare qe ne emer te luftes antikorrupsion, ben se pari shembull veten e tij, pavaresisht faktit se kete e beri pa dashje, teksa po tentonte t'i bente gropen shokut te tij. Me akuzen per korrupsion pasiv, sipas nenit 259 te Kodit Penal, Dritan Prifti, rrezikon minimalisht 2 vjet burg dhe maksimumi 8 vjet.